О создании Республиканского государственного казенного предприятия "Научно-исследовательский институт травматологии и ортопедии" Агентства Республики Казахстан по делам здравоохранения
Деректемелер және дереккөз
- Толық атауы
- О создании Республиканского государственного казенного предприятия "Научно-исследовательский институт травматологии и ортопедии" Агентства Республики Казахстан по делам здравоохранения
- Атауы (қаз.)
- Қазақстан Республикасы Денсаулық сақтау ісі жөніндегі агенттігінің "Травматология және ортопедия ғылыми-зерттеу институты" республикалық мемлекеттік қазыналық кәсіпорнын құру туралы
- Акт түрі
- Қаулы
- Заңдық күші
- Қолданыста
- Тізілімдегі мәртебе коды
- new
- Нөмірі
- 215
- Қабылданған күні
- 09.02.2001
- Көрсетілген редакция
- 05.08.2013 AI8105_2.kaz
- Соңғы өзгеріс
- 05.08.2013
- Мәтін тілі
- қазақша
- НҚА мемлекеттік тіркеу нөмірі
- P010000215_
- ЭКБ идентификаторы
- 8105
- Редакция идентификаторы
- AI8105_2
- Бастапқы дереккөз
- ЭКБ zan.gov.kz (API)
- Деректер жаңартылды
- 04.08.2026 23:59
0 Қазақстан Республикасы Денсаулық сақтау ісі жөніндегі агенттігінің "Травматология және ортопедия ғылыми-зерттеу институты" республикалық мемлекеттік қазыналық кәсіпорнын құру туралы
"Қазақстан Республикасында травматизмнің алдын алу мен оны азайтудың 2000-2002 жылдарға арналған мақсатты кешендi бағдарламасын бекiту туралы" Қазақстан Республикасы Yкiметiнiң 2000 жылғы 6 шілдедегі N 1020 P001020_ қаулысына сәйкес Қазақстан Республикасының Yкiметi қаулы етеді:
1 1. Қазақстан Республикасы Денсаулық сақтау iсi жөнiндегі агенттiгiнің "Травматология және ортопедия ғылыми-зерттеу институты" республикалық мемлекеттiк қазыналық кәсіпорны (бұдан әрi - Кәсiпорын) құрылсын.
2 2. Кәсіпорын қызметінің негiзгi мәнi:
травматология және ортопедия бойынша мамандандырылған медициналық көмек көрсету;
травматология және ортопедия саласындағы ғылыми-зерттеу қызметi;
денсаулық сақтау жүйесiнiң медициналық кадрларын қайта даярлау болып белгiленсiн.
3 3. Кәсіпорынды мемлекеттiк басқару органы, сондай-ақ оған қатысы бойынша мемлекеттiк меншiк құқығы субъектiсiнiң функциясын жүзеге асырушы орган болып Қазақстан Республикасының Денсаулық сақтау iсi жөнiндегi агенттiгi белгiленсiн.
4
4. Астана қаласы әкiмiнiң Астана қаласы Денсаулық сақтау басқармасының "N 2 қалалық аурухана" мемлекеттiк коммуналдық қазыналық кәсiпорнының ғимараттарын, құрылыстарын, медициналық жабдықтары мен жарақтарын (бұдан әрi - Мүлік) Астана қаласының коммуналдық меншігінен республикалық меншікке беру туралы ұсынысы қабылдансын.
5 5. Қазақстан Республикасы Қаржы министрлігiнiң Мемлекеттік мүлiк және жекешелендiру комитетi заңнамада белгiленген тәртіппен Астана қаласының әкiмiмен келiсiм бойынша Мүлiктi қабылдау-беру жөніндегі ұйымдастыру iс-шараларын жүзеге асырсын.
6 6. Қазақстан Республикасының Денсаулық сақтау iсi жөнiндегi агенттiгi заңнамада белгiленген тәртіппен:
Кәсіпорынның жарғысын бекiтсiн және оның әдiлет органдарында мемлекеттік тiркелуін қамтамасыз етсiн;
осы қаулыдан туындайтын өзге де шараларды қабылдасын.
7 7. Қазақстан Республикасы Үкiметiнің кейбiр шешiмдерiне мынадай толықтырулар енгiзiлсiн:
1 1) күші жойылды - ҚР Үкіметінің 05.08.2013 № 796 қаулысымен;
2 2) "Қазақстан Республикасының Денсаулық сақтау iсi жөнiндегi агенттiгінiң мәселелерi" туралы Қазақстан Республикасы Үкiметiнің 1999 жылғы 3 желтоқсандағы N 1852 P991852_ қаулысына (Қазақстан Республикасының ПҮКЖ-ы, 1999 ж., N 53, 527-құжат):
көрсетiлген қаулымен бекiтiлген Қазақстан Республикасы Денсаулық сақтау iсi жөнiндегi агенттiгiнiң қарауындағы ұйымдардың тiзбесi:
"2. Мемлекеттік кәсiпорындар" бөлімі мынадай мазмұндағы реттiк нөмiрi 67-жолмен толықтырылсын:
"67. Травматология және ортопедия республикалық ғылыми-зерттеу институты".
📌 Ескерту. 7-тармаққа өзгеріс енгізілді - ҚР Үкіметінің 05.08.2013 № 796 қаулысымен.