Об утверждении типовых правил внутреннего распорядка организации образования Мангистауской области
Деректемелер және дереккөз
- Толық атауы
- Об утверждении типовых правил внутреннего распорядка организации образования Мангистауской области
- Атауы (қаз.)
- Маңғыстау облысының білім беру ұйымдарының ішкі тәртіптемесінің үлгілік қағидаларын бекіту туралы
- Акт түрі
- Қаулы
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 105
- Қабылданған күні
- 15.04.2015
- Көрсетілген редакция
- 30.07.2024 89778_716138.kaz
- Соңғы өзгеріс
- 30.07.2024
- Мәтін тілі
- қазақша
- НҚА мемлекеттік тіркеу нөмірі
- V15M0002718
- ЭКБ идентификаторы
- 89778
- Редакция идентификаторы
- 89778_716138
- Бастапқы дереккөз
- ЭКБ zan.gov.kz (API)
- Деректер жаңартылды
- 02.08.2026 15:28
0 Маңғыстау облысының
білім беру ұйымдарының
ішкі тәртіптемесінің үлгілік
қағидаларын бекіту туралы
«Білім туралы» 2007 жылғы 27 шілдедегі Қазақстан Республикасының Заңына сәйкес облыс әкімдігі ҚАУЛЫ ЕТЕДІ:
1 1. Қоса беріліп отырған Маңғыстау облысының білім беру ұйымдарының ішкі тәртіптемесінің үлгілік қағидалары бекітілсін.
2 2. «Маңғыстау облысының білім басқармасы» мемлекеттік мекемесі (З.Ж. Тастемірова) осы қаулының «Әділет» ақпараттық-құқықтық жүйесі мен бұқаралық ақпарат құралдарында ресми жариялануын, Маңғыстау облысы әкімдігінің интернет-ресурсында орналасуын қамтамасыз етсін.
3 3. Осы қаулының орындалуын бақылау облыс әкімінің орынбасары Б.Ғ. Нұрғазиеваға жүктелсін.
4 4. Осы қаулы әділет органдарында мемлекеттік тіркелген күннен бастап күшіне енеді және ол алғашқы ресми жарияланған күнінен кейін күнтізбелік он күн өткен соң қолданысқа енгізіледі.
«КЕЛІСІЛДІ»
«Маңғыстау облысының
білім басқармасы» мемлекеттік мекемесі
басшысының міндетін атқарушы
З.Ж. Тастемірова
15 сәуір 2015 жыл.
5 Маңғыстау облысы әкімдігінің
2015 жылғы 15 сәуірдегі
№ 105 қаулысымен бекітілген
Маңғыстау облысының білім беру ұйымдарының
ішкі тәртіптемесінің үлгілік қағидалары
1 1. Жалпы ережелер
1
1. Осы Маңғыстау облысының білім беру ұйымдарының ішкі тәртіптемесінің үлгілік қағидалары «Білім туралы» 2007 жылғы 27 шілдедегі Қазақстан Республикасы Заңының 6-бабының 24-7) тармақшасына сәйкес әзірленді және білім беру ұйымдарының ішкі тәртіптемесінің қағидасын әзірлеу және бекіту үшін негіз болып табылады.
2 2. Маңғыстау облысының білім беру ұйымдарының ішкі тәртіптемесінің үлгілік қағидалары меншіктің барлық нысандарындағы білім беру ұйымдарының ішкі тәртіптеме қағидасын әзірлеу мен бекіту кезінде бірыңғай тәсілді қамтамасыз ету мақсатында әзірленген.
3
3. Білім беру ұйымдарының қызмет режимін ескере отырып (білім алушылар мен тәрбиеленушілердің тәулік бойы болуы, олардың белгілі бір уақытта ғана болуы, оқу сабақтарының ауысымдылығы және білім беру ұйымының өзге де жұмыс ерекшелігіне қарай) білім беру ұйымының әкімшілігі білім беру ұйымының педагогы мен өзге де қызметкерлерінің жұмыс және демалыс уақытының режимін белгілейді.
4
4. Ішкі тәртіптемені қамтамасыз ету мақсатында білім беру ұйымының әкімшілігі білім беру ұйымы қызметкерлерінің, сонымен қатар білім алушылар мен тәрбиеленушілердің білім беру саласындағы Қазақстан Республикасы заңнамасымен және білім беру ұйымының ішкі тәртіптемесінің қағидаларымен ережесімен жүктелген міндеттерді сақтауын қамтамасыз етеді.
2 2. Білім беру ұйымының ішкі тәртіптемесі
5 5. Білім беру ұйымының ішкі тәртіптемесінің қағидасында:
білім беру ұйымының әкімшілігі мен педагогтерінің білім алушылармен және тәрбиеленушілермен және олардың ата-аналарымен өзара қарым-қатынасы;
оқу-тәрбие процесіне қатысушылардың тәртібі;
білім алушылар мен тәрбиеленушілердің білім алуы және өмірі мен денсаулығын сақтау, балалардың құқықтарын қорғау үшін жағдайлар;
білім беру ұйымдарының еңбекті қорғау мен қауіпсіздік техникасы жағдайлары;
ұйым қызметкерлерінің кәсіби біліктілігін арттыруды ұйымдастыру;
білім беру ұйымы жұмысының басталу және аяқталу уақыты, сабақтардың арасындағы үзілістер;
білім алушылар мен тәрбиеленушілердің оқу сабақтарының ұзақтығы көзделуі тиіс.