Об утверждении Типового положения о службе организации авиаперевозок

Қолданыста Бұйрық ·№ 328 · 11.08.2026 жағдай бойынша

Деректемелер және дереккөз

Толық атауы: Об утверждении Типового положения о службе организации авиаперевозок
Атауы (қаз.): Авиатасымалдауды ұйымдастыру қызметі туралы үлгілік ережені бекіту туралы
Акт түрі: Бұйрық
Заңдық күші: Қолданыста
Тізілімдегі мәртебе коды: new
Нөмірі: 328
Қабылданған күні: 26.03.2015
Көрсетілген редакция: 26.03.2015 90758_44415.kaz
Соңғы өзгеріс: 26.03.2015
Мәтін тілі: қазақша
НҚА мемлекеттік тіркеу нөмірі: V1500011372
ЭКБ идентификаторы: 90758
Редакция идентификаторы: 90758_44415
Бастапқы дереккөз: ЭКБ zan.gov.kz (API)
Деректер жаңартылды: 02.08.2026 15:52

0 Авиатасымалдауды ұйымдастыру

қызметі туралы үлгілік
ережені бекіту туралы
«Қазақстан Республикасының әуе кеңістігін пайдалану және авиация қызметі туралы» 2010 жылғы 15 шілдедегі Қазақстан Республикасы Заңының 14-бабы 1-тармағының 41-50) тармақшасына сәйкес БҰЙЫРАМЫН:

1 1. Қоса беріліп отырған Авиатасымалдауды ұйымдастыру қызметі туралы үлгілік ережесі бекітілсін.

2 2. Қазақстан Республикасы Инвестициялар және даму министрлігінің Азаматтық авиация комитеті (Б.К. Сейдахметов):

1 1) осы бұйрықтың заңнамада бекітілген тәртіппен Қазақстан Республикасы Әділет министрлігінде мемлекеттік тіркелуін;

2 2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күннің ішінде мерзімді баспа басылымдарында және «Әділет» ақпараттық-құқықтық жүйесіне ресми жариялауға жіберуді;

3 3) осы бұйрықтың Қазақстан Республикасы Инвестициялар және даму министрлігінің интернет-ресурсында және мемлекеттік органдардың интранет-порталында жариялануын;

4 4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде Қазақстан Респубикасы Инвестициялар және даму министрлігінің Заң департаментіне осы бұйрықтың

2-тармағының 1), 2) және 3) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

3 3. Осы бұйрықтың орындалуын бақылауды өзіме қалдырамын.

4 4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

«КЕЛІСІЛДІ»
Қазақстан Республикасының
Ұлттық экономика министрі
Е. А. Досаев __________________
2015 жылғы 15 мамыр

0 Қазақстан Республикасы

Инвестициялар және даму
министрінің міндетін актарушының
2015 жылғы 26 наурыздағы
№ 328 бұйрығымен бекітілген
Авиатасымалдауды ұйымдастыру қызметi туралы үлгiлік ереже

1 1. Жалпы ережелер

1 1. Авиатасымалдарды ұйымдастыру қызметi (бұдан әрi - АТҰҚ) азаматтық авиация ұйымының (бұдан әрi - ААҰ) құрылымдық бөлiмшесi болып табылады және жолаушыларға қызмет көрсету, әуе көлiгiмен тасымалданатын багажды, пошта жөнелтiмдерiн мен жүктердi өңдеу мақсатында құрылады.

2 2. АТҰҚ өзiнiң жұмысында Қазақстан Республикасының қолданыстағы заңнамасын, Халықаралық азаматтық авиация ұйымының (ИКАО) құжаттарын, ААҰ құрылтай құжаттарын, ААҰ бiрiншi басшысының (немесе оны алмастырушы адамның) бұйрықтарын, өкiмдерiн, сондай-ақ осы ереженi басшылыққа алады.

3 3. АТҰҚ-ны ААҰ-ның бiрiншi басшысының (немесе оны алмастырушы адамның) бұйрығымен тағайындалатын немесе босатылатын қызмет бастығы басқарады.

4 4. АТҰҚ қызметкерлерiнiң құрылымын, штаттық кестесiн және лауазымдық нұсқаулықтарын АТҰҚ бастығының ұсынуы бойынша ААҰ-ның бiрiншi басшысы (немесе оны алмастырушы адам) бекiтедi.

2 2. АТҰҚ-ның негiзi мiндеттерi мен функциялары

5 5. АТҰҚ-ның негiзгi мiндеттерi мыналар болып табылады:

1 1) жолаушыларға, пошта жөнелтiмдерiн, багаж бен жүкке уақтылы және сапалы қызмет көрсетудi қамтамасыз ету;

2 2) пошта жөнелтiмдерiнiң, багаж бен жүктiң бүтiндiгi мен сақталуын қамтамасыз ету;

3 3) әуе кемелерiнiң (бұдан әрi - ӘК) коммерциялық жүк көтерiмдiлiгiн ұтымды және тиiмдi пайдалану.

6 6. Қойылған мiндеттердi шешу үшiн АТҰҚ мынадай функцияларды жүзеге асырады:

1 1) жолаушыларға қызмет көрсету, багажды, пошта жөнелтiмдерi мен жүктердi өңдеу бойынша технологиялық операцияларды уақтылы және сапалы орындау;

2 2) жолаушыларға қызмет көрсету, багажды, пошта жөнелтiмдерi мен жүктердi өңдеу технологиясын жетiлдiру мен жақсарту жөнiнде шаралар қабылдау;

3 3) жолаушыларға қызмет көрсету, багажды, пошта жөнелтiмдер мен жүктердi өңдеу бойынша қызметтер көрсету кезiнде авиакомпаниялардың, мүдделi ұйымдар мен мемлекеттiк органдардың өкiлдерiмен өзара iс-қимыл жасау;

4 4) жолаушыларды тiркеу, тасымалдау құжаттамаларын, багажға, пошта жөнелтiмдерi мен жүктерге биркаларды ресiмдеу;

5 5) тасымалдау құжаттамасын уақтылы ресiмдеудi қамтамасыз ету;

6 6) ӘК-де жолаушыларды уақтылы отырғызуды, түсiрудi, багаж бен жүктi орналастыруды, тиеудi (түсiрудi) қамтамасыз ету;

7 7) АТҰҚ қызметкерлерiн оқыту және олардың бiлiктiлiгiн арттыру бойынша шаралар қабылдау;

8 8) жолаушылардың багажын сақтау камерасының, жүктер мен пошта жөнелтiмдерiн сақтау қоймасының қызметiн ұйымдастыру;

9 9) билет кассасының және/немесе жол жүру құжаттарын беретiн пункттердiң қызметiн ұйымдастыру;

10 10) авиакомпаниялардың жолаушыларға қызмет көрсету, багаж, пошта жөнелтiмдерi мен жүктердi өңдеу жөнiндегi талаптарын қанағаттандыруға бағытталған жұмысты ұйымдастыру;

11 11) ұшудың жүйелiлiгiн қамтамасыз етуге керi әсерiн тигiзетiн себептер мен факторларды жою бойынша шаралар қабылдау;

12 12) ААҰ-ның жолаушыларға қызмет көрсетуге жұмылдырылған басқа қызметтерiмен өзара iс-қимыл жасау.

3 3. Қызметтi ұйымдастыру

7 7. Штаттық кестеге сәйкес АТҰҚ құрамына мыналар кiредi:

1 1) қызмет бастығы;

2 2) қызмет бастығының орынбасары (АТҰҚ қызметкерлерiнiң саны 20 адамнан артық болғанда);

3 3) менеджерлер;

4 4) АТҰҚ диспетчерлерi;

5 5) ӘК орталықтандыру жөнiндегi диспетчерлер;

6 6) кассирлер;

7 7) жолаушыларға қызмет көрсету агенттерi;

8 8) багаж жөнiндегi агенттер;

9 9) сақтау камерасының қоймашылары.

8 8. АТҰҚ бастығы:

1 1) жолаушыларға қызмет көрсетудiң, багажды, пошта жөнелтiмдерi мен жүктердi өңдеудiң технологиялық кестесiнiң орындалуын сақтауы мен сапасын бақылайды;

2 2) АТҰҚ қызметкерлерiн әуе кемелерiнiң келуi мен ұшуы, әуе кемелерiнiң тұрақ орны, қону гейтiнiң (галереясының) нөмiрлерi туралы тәулiктiк жоспармен қамтамасыз ету бойынша шаралар қабылдайды;

3 3) АТҰҚ қызметкерлерiнiң функционалдық мiндеттерiне кiретiн мәселелер бойынша оларға тапсырмалар, мiндеттер бередi, олардың орындалуын бақылайды;

4 4) АТҰҚ қызметкерлерiнiң өндiрiстiк және еңбек тәртiбiн сақтауын, өрт қауiпсiздiгi мен еңбек қауiпсiздiгiн сақтауын, ААҰ-ның iшкi ұйымдық-өкiмдiк құжаттарының орындалуын бақылайды;

5 5) АТҰҚ қызметiн жетiлдiру мәселелерi бойынша шаралар қабылдайды, ұсыныстар енгiзедi;

6 6) АТҰҚ қызметiнiң мәселелер бойынша, соның iшiнде күзгi-қысқы және көктемгi-жазғы навигацияға дайындық кезiнде жоспарлардың, тапсырмалардың уақтылы орындалуын бақылайды;

7 7) қажет болған жағдайда қажеттi көмекпен, жолаушыларға құқығы мен мiндеттерiн түсiндiрудi қамтамасыз етедi;

8 8) ААҰ-ның барлық құрылымдық бөлiмшелерiнiң және жолаушыларға, багажға және пошта женелтiмдерiне қызмет көрсету мәселелерi бойынша басқа ұйымдардың басшыларымен өзара iс-қимыл жасайды;

9 9) жолаушыларға, багажға және пошта жөнелтiмдерiне қызмет көрсету мәселелерi бойынша ААҰ кеңестерiне қатысады.