Об утверждении Правил оплаты услуг национального института развития в области технологического развития при предоставлении инновационных грантов
Деректемелер және дереккөз
- Толық атауы
- Об утверждении Правил оплаты услуг национального института развития в области технологического развития при предоставлении инновационных грантов
- Атауы (қаз.)
- Инновациялық гранттар беру кезінде технологиялық даму саласындағы ұлттық даму институтының көрсетілетін қызметтеріне ақы төлеу қағидаларын бекiту туралы
- Акт түрі
- Бұйрық
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 140
- Қабылданған күні
- 23.02.2015
- Көрсетілген редакция
- 09.12.2015 90788_62847.kaz
- Соңғы өзгеріс
- 09.12.2015
- Мәтін тілі
- қазақша
- НҚА мемлекеттік тіркеу нөмірі
- V1500011311
- ЭКБ идентификаторы
- 90788
- Редакция идентификаторы
- 90788_62847
- Бастапқы дереккөз
- ЭКБ zan.gov.kz (API)
- Деректер жаңартылды
- 02.08.2026 16:33
0 Инновациялық гранттар беру кезінде технологиялық даму саласындағы ұлттық даму институтының көрсетілетін қызметтеріне ақы төлеу қағидаларын
бекiту туралы
«Индустриялық-инновациялық қызметті мемлекеттік қолдау туралы» Қазақстан Республикасының 2012 жылғы 9 қаңтарындағы Заңы 5-бабының 22) тармақшасына сәйкес БҰЙЫРАМЫН:
1 1. Қоса беріліп отырған Инновациялық гранттар беру кезінде технологиялық даму саласындағы ұлттық даму институтының көрсетілетін қызметтеріне ақы төлеу қағидалары бекітілсін.
2 2. Қазақстан Республикасы Инвестициялар және даму министрлігінің Технологиялық және инновациялық даму департаменті (А.Б. Батырқожа):
1 1) осы бұйрықтың Қазақстан Республикасы Әділет министрлігінде заңнамада белгіленген тәртіппен мемлекеттік тіркелуін;
2
2) осы бұйрықтың Қазақстан Республикасы Әділет министрлігінде мемлекеттік тіркелгеннен кейін, оның көшірмесін он күнтізбелік күн ішінде мерзімді баспа басылымдарында және Қазақстан Республикасы Әділет министрлігінің «Республикалық құқықтық ақпарат орталығы» республикалық мемлекеттік кәсіпорнының «Әділет» ақпараттық-құқықтық жүйесінде ресми жариялау үшін жіберуді;
3 3) осы бұйрықтың Қазақстан Республикасы Инвестициялар және даму министрлігінің интернет-ресурсында ресми жариялануын және мемлекеттік органдардың интранет-порталында орналастырылуын;
4
4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы бұйрықтың 2-тармағының 1), 2) және 3) тармақшаларында көзделген іс-шаралардың орындалуы туралы мәліметтерді Қазақстан Республикасы Инвестициялар және даму министрлігінің Заң департаментіне ұсынуды қамтамасыз етсін.
3 3. Осы бұйрықтың орындалуын бақылау Қазақстан Республикасы Инвестициялар және даму вице-миниcтрі Е.К. Сағадиевке жүктелсін.
4 4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
«КЕЛІСІЛДІ» :
Қазақстан Республикасының
Қаржы министрі
__________________ Б. Сұлтанов
2015 жылғы 5 мамыр
0 Қазақстан Республикасы
Инвестициялар және даму
министрінің міндетін атқарушының
2015 жылғы 23 ақпандағы
№ 140 бұйрығымен бекітілген
Инновациялық гранттар беру кезінде технологиялық даму
саласындағы ұлттық даму институтының көрсетілетін қызметтеріне
ақы төлеу қағидалары
1 1. Жалпы ережелер
1
1. Осы Инновациялық гранттар беру кезінде технологиялық даму саласындағы ұлттық даму институтының көрсетілетін қызметтеріне ақы төлеу қағидалары (бұдан әрі - Қағидалар) «Индустриялық-инновациялық қызметті мемлекеттік қолдау туралы» Қазақстан Республикасының 2012 жылғы 9 қаңтардағы Заңының 5-бабының 22) тармақшасына сәйкес әзірленді және инновациялық гранттар беру кезінде технологиялық даму саласындағы ұлттық даму институтының көрсетілетін қызметтеріне ақы төлеу тәртібін айқындайды.
2 2. Осы Қағидаларда мынадай негiзгi ұғымдар пайдаланылады:
1 1) грант алушы – индустриялық-инновациялық қызметтi мемлекеттiк қолдау туралы Қазақстан Республикасының заңнамасына сәйкес инновациялық грант алған жеке немесе заңды тұлға;
2 2) гранттық қаржыландыру бойынша комиссия – инновациялық гранттарды берудің басым бағыттары бойынша ұлттық институт құратын консультативтік-кеңесші органдар;
3
3) индустриялық-инновациялық қызметті мемлекеттік қолдау саласындағы уәкілетті орган – индустрия және индустриялық-инновациялық даму саласындағы басшылықты жүзеге асыратын, сондай-ақ заңнамада көзделген шектерде салааралық үйлестіруді және индустриялық-инновациялық қызметті мемлекеттік қолдауды іске асыруға қатысуды жүзеге асыратын орталық атқарушы орган;
4 4) инновациялық грант – индустриялық-инновациялық қызмет субъектілеріне инновациялық гранттар берудің басым бағыттары шеңберінде олардың индустриялық-инновациялық жобаларын іске асыру үшін өтеусіз негізде берілетін бюджет қаражаты;
5 5) оператор – технологиялық даму саласындағы ұлттық даму институты;
6 6) өтінім беруші – индустриялық-инновациялық қызметтi мемлекеттiк қолдау туралы Қазақстан Республикасының заңнамасына сәйкес инновациялық грантты алуға арнаған өтінім берген жеке және (немесе) заңды тұлға;
7 7) технологиялық саясат жөніндегі кеңес – индустриялық-инновациялық қызметті мемлекеттік қолдау саласындағы уәкілетті орган жанындағы консультативтік-кеңесші орган.
2 2. Оператор қызметтеріне ақы төлеу тәртібі
3 3. Инновациялық гранттарды беру жөніндегі оператордың қызметтеріне ақы төлеу тиісті қаржы жылына бюджеттік бағдарламамен республикалық бюджетте көзделген қаражат есебінен оператордың шығыстар сметасына сәйкес жүзеге асырылады.
Оператор қызметтерiнiң құны оператордың мыналарға:
1 1) инновациялық гранттар алуға өтінімдерді қабылдау және өңдеу үдерістерін ұйымдастыруға;
2 2) отандық және (немесе) шетелдік сарапшыларды тарта отырып, өтінімдердің тәуелсiз сараптамасын жүргізу үдерістерін ұйымдастыруға;
3 3) оператордың өтінімде көзделген іс-шаралардың мәлімделген құнының негізділігіне тексеру жүргізуіне;
4 4) технологиялық саясат бойынша кеңестің және гранттық қаржыландыру бойынша комиссияның қызметiн ұйымдастыруға;
5 5) инновациялық грант туралы шартқа қол қою үдерісін ұйымдастыруға;
6 6) инновациялық грант туралы шартқа сәйкес инновациялық грант беруге көзделген қаражатты аударуға арналған шығыстарын қамтиды;
7 7) банк қызметін төлеуге;
8 8) бюджеттiк қаражатты грант алушының игеру мониторингін қамтамасыз етуге;
9 9) мемлекеттік бажды төлеуге қатысты шығындарды қоса отырып, талап қою-қуыну жұмыстарын өткізуді ұйымдастыруға;
10
10) консультацияларға, тұсаукесерлерге және әлеуетті өтінім берушілермен түсіндіру жұмыстарына, өтінімдер қабылдау, оларды беру тәртібі туралы жұртшылықты, өтінімдерді қарау нәтижелері, инновациялық гранттарды іске асыру барысы және қол жеткізген нәтижелер туралы өтінім берушілерді хабардар етуге арналған шығыстарын қамтиды.