Об утверждении Правил о порядке выделения администраторам местных бюджетных программ средств из областного бюджета на представительские расходы и нормы представительских расходов Күшін жойған

Облыстық бюджеттен жергілікті бюджеттік бағдарламалар әкімгерлеріне өкілдіктік шығыстарға қаржы бөлу тәртібі туралы Ережені бекіту және өкілдіктік шығыстардың мөлшері туралы 📌 Ескерту. Күші жойылды - Ақмола облысы әкімінің 21.11.2001 № 177 шешімімен. ҚР Үкіметінің 1999 жылғы 2 қыркүйектегі «Республикалық бюджеттен республикалық бюджеттік бағдарламалар әкімгерлеріне өкілдіктік шығыстарға қаржы бөлу тәртібі туралы Ережелерді және өкілдіктік шығыстардың мөлшерін бекіту туралы» Қаулысының 2 тармағын басшылыққа ала отырып, облыс әкімі шешті:

1. Қосымшадағы бекітілсін:

1) облыстық бюджеттен жергілікті бюджеттік бағдарламалар әкімгерлеріне өкілдіктік шығыстарға қаржы бөлу тәртібі туралы Ережелер; (№1 қосымша)

2) өкілдіктік шығыстар мөлшері. (№2 қосымша)

2. Аудандар және Көкшетау мен Степногорск қалаларының әкімдеріне осыған ұқсас жергілікті атқарушы және өкілдікті органдарға жергілікті бюджеттерден өкілдіктік шығыстарға қаржы бөлу тәртібі туралы Ережелер дайындап, бекіту ұсынылсын.

3. Осы шешімнің орындалуын бақылау облыс әкімінің орынбасары Д.З.Әділбековке жүктелсін.

(№1 қосымша) Облыс әкімінің 2001 жылғы 03.05. № 93 шешімімен бекітілген Облыстық бюджеттен жергілікті бюджеттік бағдарламалар әкімгерлеріне өкілдіктік шығыстарға қаржы бөлу тәртібі туралы Ережелер

1. Жалпы ережелер 1. Осы ережелер облыстық бюджеттен жергілікті бюджеттік бағдарламалардың әкімгерлеріне өкілдіктік шығыстарға қаржы бөлу тәртібін анықтайды.

2. Осы ережелерде келесі ұғымдар пайдаланылады: өкілдіктік шығыстар - ағымдағы қаржы жылында жергілікті бюджеттік бағдарламалар әкімгерлерінің шетел делегацияларын қабылдап, қарсы алулары, семинарлар, кеңестер, ресми және салтанатты жиын, шаралар өткізулері үшін облыстық бюджетте қарастырылылатын қаржы. Өкілдіктік шығыстарға жататын шығыстар:

1) ресми түстіктер, кешкі қонақасылар, фуршеттер;

2) музыкамен әспеттеу;

3) кәдесый, ескерткіш сыйлықтар;

4) автокөлік қызметтері;

5) аудармашылардың еңбек ақыларын төлеу;

6) залды жалға алу;

7) облыс әкімінің рұқсатымен жұмсалатын басқа да шығындар;

2. Облыс бюджетіндегі өкілдіктік шығыстарға арналған қаражатты бөлу және пайдалану тәртібі:

3). Облыс бюджетінен өкілдік шығыстарға қаржы бөлу облыс әкімінің шешімінің негізінде жүзеге асады.

4) Жергілікті бюджеттік бағдарламалар әкімгерлерінің облыстық бюджеттен өкілдіктік шығыстарға қаржы белу туралы өтініштері облыс әкімінің шешімімен қаралып, дайындалады, тек мына құжаттар болған жағдайда:

1) шараны өткізу қажеттілігінің негіздері;

2) ресми делегацияның келу бағдарламары;

3) шараларды дайындаудағы жұмыс жоспары;

4) қатысушылардың болжалды құрамы;

5) белгіленген мөлшердің шегінде әр бабы негізделген шығыс сметалары;

6) шығыс сметалары бойынша облыстық қаржы басқармасының тұжырымы;

5) Осы Ережелердің 2 тармағының 2, 3 және 6 тармақшаларында белгіленген шығыс сметалары бойынша жергілікті бюджеттік бағдарламалар әкімгерлерімен калькуляциясы мен көрсетілетін қызметтерді атқаратын ұйымның деректемелері көрсетілген қуаттаушы құжаттар тапсырылады.

3. Бақылау және есеп беру

6. Облыстық қаржы басқармасы өкілдіктік шығыстарға бөлінгең, қаржының жұмсалуына бақылау жасайды.

7. Өкілдіктік шығыстарға қаржы алушы жергілікті бюджеттік бағдарламалар әкімгелері ҚР Қаржы министрлігімен белгіленген тәртіпте және мерзімде бөлінген қаржының пайдаланылуы және атқарылған жұмыс құны мен көлемі туралы есептерін тапсырады.

8. Өкілдіктік шығыстарға бөлінген қаражаттың мақсатты және тиімді жұмсалуы үшін жауапкершілік қаржыны алушыға жүктеледі.

(қосымша № 2) Облыс әкімінің 2001 жылғы 03.05. № 93 шешімімен бекітілген Өкілдіктік шығыстардың мөлшерлері Шығыс атаулары Теңгемен есептегендегі құны 1. Делегацияға ресми түстіктер мен кешкі қонақасы беру шығыны бір адамға бір күнде жұмсалатын шығын есебінен алынады 3000 теңгеге дейін 2. Келіссөздер мен өткізілетін мәдени шараларға, аудармашы мен бірге еріп жүретін басқа да ресми тұлғаларды есепке алғанда бір адамға жұмсалатын бір күндік шығын есебінен бюджеттен қаржы бөлу 600 теңгеге дейін 3. Делегацияны қарсы алатын, мемлекеттік органның штаттық құрамына енетін аудармашының еңбек ақысын төлеу 500 теңгеге дейін 4. Көлік шығындарын төлеу (8 сағ.) 500 теңгеге дейін Ескерту:

1. Шетел делегацияларына автомобиль көліктерімен қызмет етуге жұмсалатын шығындар сағат бойынша төленетін шығыс сметаларының құрамында қарастырылады.

2. Шетел делегацияларын ресми қабылдау кезінде берілетін түстік, кешкі қонақасы және басқа да өткізілетін шараларда облыс органдарынан қатысушылардың саны шетел делегацияларынан қатысушы адамдардың санынан артпауы тиіс.

3. Құрамы 5 адамнан асатын делегациялар кезінде қызмет етуші адамдар мең аудармашылар құрамы кем дегенде делегацияның бес мүшесіне бір адамнан және аудармашыдан келетін есепте анықталсын.