О порядке экспорта и импорта товаров (работ, услуг) в Республикe Казахстан
Деректемелер және дереккөз
- Толық атауы
- О порядке экспорта и импорта товаров (работ, услуг) в Республикe Казахстан
- Атауы (қаз.)
- Қазақстан Республикасындағы тауарлардың /жұмыстар, қызмет көрсетулер/ экспорты мен импортының тәртiбi туралы
- Акт түрі
- Қаулы
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 298
- Қабылданған күні
- 12.03.1996
- Көрсетілген редакция
- 29.06.1997 AI3172_2.kaz
- Соңғы өзгеріс
- 29.06.1997
- Мәтін тілі
- қазақша
- НҚА мемлекеттік тіркеу нөмірі
- P960000298_
- ЭКБ идентификаторы
- 3172
- Редакция идентификаторы
- AI3172_2
- Бастапқы дереккөз
- ЭКБ zan.gov.kz (API)
- Деректер жаңартылды
- 05.08.2026 02:25
0 Қазақстан Республикасындағы тауарлардың /жұмыстар, қызмет көрсетулер/ экспорты мен импортының тәртiбi туралы
Қазақстан Республикасының Үкiметi қаулы етедi:
1. Осы қаулының 1-6 қосымшаларына сәйкес Қазақстан Республикасының шаруашылық жүргiзушi барлық субъектiлерi үшiн мiндеттi тауарлардың /жұмыс, қызмет көрсетулер/ /бұдан әрi - тауарлар/ экспорты мен импортының тәртiбi белгiленсiн.
2. Мыналар бекiтiлсiн:
Қазақстан Республикасындағы тауарлардың /жұмыстар, қызмет көрсету/ экспорты мен импортына лицензия беру тәртiбi туралы ереже /1-қосымша/;
Экспорты Қазақстан Республикасы Үкiметiнiң рұқсаты бойынша жүзеге асырылатын тауарлардың тiзбесi /2-қосымша/;
Импорты Қазақстан Республикасы Үкiметiнiң рұқсаты бойынша жүзеге асырылатын тауарлардың тiзбесi /3-қосымша/;
Экспорты лицензия бойынша жүзеге асырылатын тауарлардың тiзбесi /4-қосымша/;
Импорты лицензиялар бойынша жүзеге асырылатын тауарлардың тiзбесi /5-қосымша/;
Экспорты Қазақстан Республикасының халықаралық мiндеттемелерiне сәйкес жүзеге асырылатын тауарлардың тiзбесi /6-қосымша/.
3. Қазақстан Республикасының Экономика және сауда министрлiгi мүдделi министрлiктермен және ведомстволармен бiрлесiп экономикалық жағдайды ескере отырып, 2-6 қосымшаларда қарастырылған тауарлардың тiзбесiн нақтылау жөнiнде Қазақстан Республикасының Үкiметiне ұсыныс енгiзе алады.
📌 Ескерту. 3-тармаққа өзгеріс енгізілді - ҚР Үкіметінің 1997.06.20. N 997 қаулысымен .
4. Қазақстан Республикасының Үкіметі уәкілеттік берген Қазақстан Республикасының мемлекеттік органдары осы қаулымен бекiтiлген Қазақстан Республикасындағы тауарлардың экспорты мен импортына /жұмыстар, қызмет көрсетулер/ лицензия берудiң тәртiбi туралы ережеге сәйкес белгiленген номенклатура бойынша /2-6 қосымшалар/ тауарлардың экспорты мен импортына лицензиялар бередi және Қазақстан Республикасының Статистика және талдау жөнiндегi мемлекеттiк комитетiне берiлген лицензиялар туралы ай сайын мәлiметтер тапсырады.
📌 Ескерту. 4-тармаққа өзгеріс енгізілді - ҚР Үкіметінің 1997.06.20. N 997 қаулысымен .
5. Қоса берiлiп отырған тiзбеге сәйкес Қазақстан Республикасы Үкiметiнiң кейбiр шешiмдерiнiң күшi жойылған деп танылсын.
📌 ЕСКЕРТУ. Қосымшаларының ресми аудармасы жоқ болғандықтан орыс тiлiндегі мәтіннен қараңыз.