«Қызылордаавтожолдары» мемлекеттiк коммуналдық кәсiпорнын құру туралы Қолданыста

«Қызылордаавтожолдары» мемлекеттiк коммуналдық кәсiпорнын құру туралы Қазақстан Республикасының 1993 жылғы 10 желтоқсандағы «Жергілікті өкілеттік атқару органдары туралы» Заңының 43 бабының 3 тармағын, Қазақстан Республикасы Президентінің 1995 жылғы 19 маусымдағы № 2335 «Мемлекеттік кәсіпорын туралы» Жарлығын және Қазақстан Республикасы Үкіметінің 2000 жылғы 5 желтоқсандағы «Қазақстан Республикасының республикалық маңыздағы жалпы пайдаланымдағы автомобиль жолдарын жіктеу ережесін және тізбесін бекіту туралы» қаулысын басшылыққа ала отырып, жергілікті маңыздағы жалпы пайдаланымдағы автомобиль жолдарын басқару мақсатында ШЕШІМ ЕТЕМІН:

1. Шаруашылық жүргізу құқығындағы «Қызылордаавтожолдары» коммуналдық мемлекеттік кәсіпорны құрылсын.

2. «Қызылордаавтожолдары» мемлекеттік коммуналдық кәсіпорнына қатысты мемлекеттік коммуналдық меншік құқықтарының субъектісі қызметтерін жүзеге асыратын өкілетті органы болып облыстық өнеркәсіп және көлік департаменті белгіленсін.

3. Облыстық өнеркәсіп және көлік департаменті /С. Мырзашев/: - кәсіпорынның басшысын тағайындасын; - Әділет органдарында белгіленген тәртіппен кәсіпорынды тіркеуден өткізсін.

4. Осы шешімнің орындалуына бақылау жасау облыс әкімінің орынбасары К. Нұрекешовке жүктелсін.