Ауылшаруашылық тауар өндiрушiлерiн 2001 жылғы көктемгi дала жұмыстарын өткiзуге несиелендiрудiң Тәртiбiн бекiту туралы Қолданыста

Ауылшаруашылық тауар өндiрушiлерiн 2001 жылғы көктемгi дала жұмыстарын өткiзуге несиелендiрудiң Тәртiбiн бекiту туралы Қазақстан Республикасы Үкiметiнiң 2001 жылғы 10 сәуiрдегi № 485 «Қазақстан Республикасы Үкiметiнiң резервiнен қаржы бөлу туралы» қаулысын iске асыру мақсатында облыс әкiмияты ҚАУЛЫ ЕТЕДI:

1. Ауылшаруашылық тауар өнiм өндiрушiлерiн 2001 жылғы көктемгi дала жұмыстарын өткiзуге несиелендiрудiң Тәртiбi бекiтiлсiн (қоса тiркелдi).

2. Облыс әкiмiнiң орынбасары Б.Нұртазаев бөлiнген қаржыны Қызылорда қаласы мен аудандар бойынша дәндi дақылдардың үлесiне сәйкес бөлiнуiн қамтамасыз етсiн.

3. Қызылорда қаласы мен аудан әкiмдерi бөлiнген несие ресурстарының мақсатты пайдалануын, толық және уақытылы қайтарылуын қамтамасыз етсiн.

4. Облыстық қаржы басқармасы бөлiнген несие ресурстарының мақсатты пайдалануы мен уақытылы қайтарылуына бақылауды қамтамасыз етсiн.

5. Осы қаулының орындалуына бақылау жасау облыс әкiмiнiң бiрiншi орынбасары Б.Б.Қуандықовқа жүктелсiн.