Қазақстан Республикасының 1995 жылғы 30 тамыздағы Конституциясының 39 бабының және Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 7 бабының 1 тармағына сәйкес IV сайланған Алматы қаласының мәслихаты ШЕШІМ ЕТТІ:

1. IV сайланған Алматы қаласы мәслихатының 2008 жылғы 22 желтоқсандағы ХIV сессиясының «Алматы қаласында өндіріс қалдықтарын есепке алу, қайта пайдалану, залалсыздандыру және тұтыну ережелерін бекіту туралы» № 163 шешіміне (нормативтік құқықтық актілерді мемлекеттік тіркеу Тізілімінде № 810 рет санымен 2009 жылғы 6 ақпанында тіркелген, 2009 жылғы 14 ақпанда «Алматы ақшамы» газетінің 18 нөмірінде және 2009 жылғы 14 ақпанда «Вечерний Алматы» газетінің 19 нөмірінде жарияланған) келесі өзгерістер енгізілсін:
осы шешіммен бекітілген Алматы қаласында өндіріс және тұтыну қалдықтарын есепке алу, қайта пайдалану және залалсыздандыру Ережесінде (бұдан әрі – Ереже):
14 тармақтағы «қауіпсіздігіне жауапкершілік артады» сөздері «қауіпсіздігін қамтамасыз етеді» сөздерімен ауыстырылсын;
15 тармақтағы «Олардың шаруашылық қызметі барысында қалдықтар түзілген, жеке және заңды тұлғалар» сөздері «Қалдық иелері» сөздерімен ауыстырылсын;
19 тармақтағы «жасауға тиіс» сөздері «жасауы керек» сөздерімен және 10 тармақшасындағы «ақпараттандыру қажет» сөздері «ақпараттандыруы керек» сөздерімен ауыстырылсын;
38, 39, 40, 41 және 42 тармақтардағы «тиым салынады» сөздері «рұқсат етілмейді» сөздерімен ауыстырылсын;
38 тармақтың екінші абзацындағы «тиіс» сөзі «керек» сөзімен ауыстырылсын;
48 тармақтағы «жауапкершілік артады» сөздері «жауапкершілікке тартылады» сөздерімен ауыстырылсын;