592-бап. Белгiленген жүру жылдамдығын арттыру — Об административных правонарушениях

1. Көлік құралының белгiленген жүру жылдамдығын сағатына оннан жиырма километрге дейiнгi шамаға арттыру – бес айлық есептiк көрсеткiш мөлшерiнде айыппұл салуға әкеп соғады.

2. Көлiк құралының белгiленген жүру жылдамдығын сағатына жиырмадан қырық километрге дейiнгi шамаға арттыру – он айлық есептiк көрсеткiш мөлшерiнде айыппұл салуға әкеп соғады.

3. Көлiк құралының белгiленген жүру жылдамдығын сағатына қырықтан алпыс километрге дейінгі шамаға арттыру – жиырма айлық есептiк көрсеткiш мөлшерiнде айыппұл салуға әкеп соғады.

3-1. Көлiк құралының белгiленген жүру жылдамдығын сағатына алпыс және одан көп километрден астам шамаға арттыру – қырық айлық есептік көрсеткіш мөлшерінде айыппұл салуға алып келеді.

4. Осы баптың екiншi және үшiншi бөлiктерiнде көзделген, әкiмшiлiк жаза қолданылғаннан кейiн бiр жыл iшiнде қайталап жасалған әрекеттер – отыз айлық есептiк көрсеткiш мөлшерiнде айыппұл салуға әкеп соғады

5. Осы баптың 3-1-бөлігінде көзделген, әкімшілік жаза қолданылғаннан кейін бір жыл ішінде қайталап жасалған әрекет – алпыс айлық есептік көрсеткіш мөлшерінде айыппұл салуға алып келеді.

Бапқа тұрақты сілтеме

https://adilet.kz/laws/koap/st-592/