Об учpеждении пpемии имени академика Д.А. Кунаева в области наук о Земле для молодых ученых
Деректемелер және дереккөз
- Толық атауы
- Об учpеждении пpемии имени академика Д.А. Кунаева в области наук о Земле для молодых ученых
- Атауы (қаз.)
- Жер туралы ғылым саласында жас ғалымдарға академик Д.А. Қонаев атындағы сыйлықтар тағайындау жөнiнде
- Акт түрі
- Қаулы
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 957
- Қабылданған күні
- 23.08.1994
- Көрсетілген редакция
- 09.05.2000 AI680_1.kaz
- Соңғы өзгеріс
- 09.05.2000
- Мәтін тілі
- қазақша
- НҚА мемлекеттік тіркеу нөмірі
- P940000957_
- ЭКБ идентификаторы
- 680
- Редакция идентификаторы
- AI680_1
- Бастапқы дереккөз
- ЭКБ zan.gov.kz (API)
- Деректер жаңартылды
- 05.08.2026 02:39
0 Жер туралы ғылым саласында жас ғалымдарға академик Д.А. Қонаев атындағы сыйлықтар тағайындау жөнiнде
📌 Ескерту. Күші жойылды - ҚР Үкіметінің 2000.05.10. N 685 қаулысымен.
Қазақстан Республикасы Президентiнiң "Д.А. Қонаев есiмiн мәңгi есте қалдыру туралы" 1994 жылғы 24 ақпандағы N 1577 Қаулысын (Қазақстан Республикасы ПҮАЖ-ы, 1994 ж., N 10, 98-бап) iске асыру үшiн Қазақстан Республикасының Министрлер Кабинетi қаулы етедi:
1. Жер туралы ғылым саласында жас ғалымдарға Қазақстан Республикасы Ұлттық ғылым академиясының академигi Д.А. Қонаев атындағы сыйлықты беру тәртiбi туралы ереже бекiтiлсiн (қоса берiлiп отыр).
2. Қазақстан Республикасының ұлттық ғылым академиясы аталған сыйлықты беру үшiн iргелi зерттеулер бағдарламаларын қаржыландыруға арналған бюджет қаражат есебiнен қажеттi сома бөлiп отырсын.
3 Жер туралы ғылым саласында жас ғалымдарға Қазақстан Республикасы Ұлттық ғылым академиясының академигi Д.А. Қонаев атындағы сыйлықтарды беру тәртiбi туралы Ереже
Қазақстан Республикасы
Министрлер Кабинетiнiң
1994 жылғы 24 тамыздағы
N 957 қаулысымен
бекiтiлген
Жер туралы ғылым саласында жас ғалымдарға Қазақстан
Республикасы Ұлттық ғылым академиясының академигi
Д.А. Қонаев атындағы сыйлықтарды беру тәртiбi туралы
Ереже
1. Қазақстан Республикасы Президентiнiң "Д.А. Қонаевтың өсiмiн мәңгi есте қалдыру туралы" 1994 жылғы 24 ақпандағы қаулысына сәйкес Жер туралы ғылым саласында жас ғалымдарға Қазақстан Республикасы Ұлттық ғылым академиясының академигi Д.А. Қонаев атындағы 50 ең төменгi жалақы мөлшерiнде жыл сайын берiлетiн сыйлықтар (үшеу) тағайындалды.
2. Сыйлықтар Қазақстан Республикасының азаматы болып табылатын, республиканың мекемелерiнде (ұйымдарда, жоғары оқу орындарында, кәсiпорындарда) қызмет iстейтiн және (немесе) республиканың жоғары оқу орындарында, аспирантурада, ординатурада, адьюнктурада оқитын жасы 35-тен аспаған жас ғалымдарға үлкен теориялық және практикалық маңызы бар Жер туралы ғылым саласындағы перспективалы және принциптi жаңа ғылыми-техникалық шешiмдер, ғылыми зерттеулер үшiн берiледi.
Сыйлық бұрын басқа сыйлықтар мен наградаларға ие болмаған жұмыс (немесе жұмыстар топтамасы) үшiн бiр рет берiледi.
3. Сыйлықтарды Қазақстан Республикасы Ұлттық ғылым академиясының шешiмi негiзiнде академик Д.А. Қонаевтың туған күнi қарсаңында Қазақстан Республикасының Министрлер Кабинетi бередi.
4. Сыйлық алу үшiн конкурс өткiзу шешiмi республикалық ресми баспасөзде конкурс басталатын күннен бiр ай бұрын (жыл сайын 1 желтоқсанда) жарияланады.
5. Сыйлық алу үшiн еңбектердi конкурсқа ұсыну ғалымдар мен ғылыми-техникалық кеңестер, ғылыми мекемелердiң, жоғары оқу орындарының, ұйымдар мен кәсiпорындардың жас ғалымдарының ғылыми кеңестерi, сондай-ақ жеке түрде (өзiн-өзi ұсыну) арқылы жүргiзiледi.
Сыйлық алу үшiн конкурсқа ұсынылатын ұжымның саны 3 адамнан аспауы тиiс. Авторлық ұжымға адамдарды тек қана әкiмшiлiк немесе ұйымдастыру қызметi бойынша енгiзуге болмайды.
6. Сыйлық алуға ұсынылған материалдарда:
- жарияланған уақыты мен жерi көрсетiлген монография түрiндегi ғылыми жұмыс, мақалалардың көшiрмелерi, авторлық куәлiктер, патенттер, рефераттар болуы тиiс. Жұмыстың әрбiр данасына авторлардың қолы қойылып, ұсынушы мекеменiң мөрiмен куәландырылған аннотация қоса берiледi;
- қосымша материалдар:
сыйлық алуға кандидатты ұсыну туралы ғылыми (ғылыми-техникалық) кеңес мәжiлiсi хаттамасының көшiрмесi<*>;
<*>Өзiн-өзi Ұсынған болса берiлмейдi.
мамандардың жұмысқа берген жалпы бағасы бар ұсынылушының ғылыми жетiстiктерiн сипаттайтын дәлелдi ұсынысы (немесе дәлелдi жеке мәлiмдемесi), жұмысты орындаушылар мен оны орындау уақыты, жұмыс нәтижелерiнiң практикада iс жүзiне асырылуы туралы деректер;
ұсынылушы туралы мәлiметтер: фамилиясы, есiмi, әкесiнiң есiмi, туған күнi, айы, жылы, жұмыс (оқу) орны, атқаратын қызметi, ғылыми дәрежесi, ғылыми атағы, жұмысы мен үйiнiң мекен-жайы, қызмет және үй телефондарының номерлерi;
ұсынылушының соңғы бес жыл iшiнде жарияланған ғылыми еңбектерiнiң тiзiмi, сондай-ақ басты жұмыстарының көшiрмелерi (3-тен көп емес), монографияларға, кiтаптарға, кiтапшаларға қатысты аннотациялар;
бiрлесе орындағандардың әрқайсысының шығармашылық үлесi туралы анықтама болуы тиiс.
Материалдарға ұсынылушының негiзгi жұмыс (оқу) орны әкiмшiлiгi басшысының қолы қойылып және ұйымның мөрiмен расталуы керек.
7. Қазақстан Республикасының Ұлттық ғылым академиясы ұсынылған жұмыстарды сараптау және бағалау, конкурстық iрiктеу жүргiзу үшiн Жер туралы ғылым саласындағы республиканың жетекшi ғалымдарынан сараптау комиссиясын құрады.
Сараптау комиссиясы сыйлық беруге ұсынылған ғалымдар кандидатураларының тiзiмiн әзiрлеп, оны Қазақстан Республикасы Ұлттық ғылым академиясы Төралқасының қарауына тапсырады.