Қазақстан Республикасының 2008 жылғы 4 желтоқсандағы Бюджет кодексiнiң 56-бабы 1-тармағы 4) тармақшасына, Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 6-бабы 1-тармағы 15) тармақшасына және Қазақстан Республикасының 1995 жылғы 28 сәуiрдегi "Ұлы Отан соғысының қатысушылары мен мүгедектерiне және соларға теңестiрiлген адамдарға берiлетiн жеңiлдiктер мен оларды әлеуметтiк қорғау туралы" Заңының 20-бабына, Қазақстан Республикасының 2005 жылғы 13 сәуiрдегi "Қазақстан Республикасында мүгедектердi әлеуметтiк қорғау туралы" Заңының 11-бабы 2-тармағы 3) тармақшасына және Қазақстан Республикасы Үкiметiнiң 2011 жылғы 7 сәуiрдегi № 394 қаулысымен бекiтiлген "Жергiлiктi өкiлдi органдардың шешiмдерi бойынша мұқтаж азаматтардың жекелеген санаттарына әлеуметтiк көмек тағайындау және төлеу" мемлекеттiк қызмет стандартына сәйкес, Лебяжі аудандық мәслихат ШЕШIМ ЕТЕДI:

1. Лебяжі аудандық мәслихаттың 2012 жылғы 30 қаңтардағы № 3/2 "Лебяжі ауданы бойынша 2012 жылғы әлеуметтік көмекке құқығы бар азаматтардың санаттары туралы" (Нормативтік құқықтық актілерді мемлекеттік тіркеу тізілімінде № 12-9-157 тіркелген, 2012 жылғы 25 ақпандағы "Аққу үні" № 8 газетінде жарияланған) шешіміне келесі өзгеріс пен толықтырулар енгізілсін:
көрсетілген шешімнің қосымшасында:
1–тармақ келесі мазмұндағы 14) тармақшамен толықтырылсын:
"14) социалистік еңбек ерлері.";
2–тармақта:
1) тармақшаның екінші абзацында "10000" деген сандары "67000" деген сандарымен ауыстырылсын;
2) тармақшада:
төртінші абзацында "көлемінде," деген сөзден кейін "күрделі жөндеу жасау үшін 1000000 теңге көлемінде," деген сөздермен толықтырылсын;
келесі мазмұндағы абзацтармен толықтырылсын:
"ай сайынғы материалдық көмек:
1-тармағының 14) тармақшада көрсетілген санаттарға айдың 25-не дейін нақты қолданылған электр қуатын төлеу үшін;
бір жолғы материалдық көмек:
1–тармағының 14) тармақшада көрсетілген санаттарға пәтерлеріне күрделі жөндеу жасау үшін 1000000 теңге көлемінде, өтініш түскен күннен бастап 15 күн ішінде;";
3–тармақта:
1) тармақшасы "13)" деген сандарынан кейін ", 14)" деген сандарымен толықтырылсын;
келесі мазмұндағы 10) тармақшамен толықтырылсын:
"10) 1–тармағының 1), 14) тармақшаларында көрсетілген санаттарға пәтерлеріне күрделі жөндеу жасау үшін нақты көлемінде айқындалған жұмыстарды орындаушы мен өтініш берушінің арасындағы орындалған жұмыстардың қол қойылған актісі.".