ХІХ сессиясының«Алматы қаласында
иттерді ұстау Қағидасын бекіту туралы»
2013 жылғы 28 тамыздағы № 158 шешіміне
өзгерістер мен толықтыру енгізу туралы
Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңына сәйкес VІ сайланған Алматы қаласының мәслихаты ШЕШІМ ЕТТІ:

1. V сайланған Алматы қаласы мәслихаты ХІХ сессиясының «Алматы қаласында иттерді ұстау Қағидасын бекіту туралы» 2013 жылғы 28 тамыздағы № 158 шешіміне (нормативтік құқықтық актілерді мемлекеттік тіркеу Тізілімінде 2013 жылғы 4 қазанда № 1002 болып тіркелген, 2013 жылғы 19 қазанда «Алматы ақшамы» № 126 және 2013 жылғы 12 қазанда «Вечерний Алматы» № 128 газеттерінде жарияланған) келесі өзгерістер мен толықтыру енгізілсін:
бас тақырыбы келесі редакцияда мазмұндалсын:
«Алматы қаласында иттерді ұстау және серуендету Қағидасын бекіту туралы»;
аталған шешіммен бекітілген, Алматы қаласында иттерді ұстау Қағидасындағы:
3 тармақ келесі редакцияда мазмұндалсын:
«3. Қағида Қазақстан Республикасының 2014 жылғы 5 шілдедегі «Әкімшілік құқық бұзушылық туралы» Кодексіне, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңына және Қазақстан Республикасының 2002 жылғы 10 шілдедегі «Ветеринария туралы» Заңына сәйкес әзірленді.»;
2 тарау келесі мазмұндағы 8-1 тармақпен толықтырылсын:
«8-1. Иттерді ұстау кезінде иелері келесі талаптарды сақтайды:
1) жергілікті атқарушы органдардың ветеринария саласындағы қызметті жүзеге асыратын бөлімшелеріне, жергілікті атқарушы органдар құрған мемлекеттік ветеринариялық ұйымдарға, мемлекеттік ветеринариялық-санитариялық бақылау және қадағалау органдарына хабарлайды:
жаңадан сатып алынған жануар (жануарлар), алынған төлі мен оның өткізілгені туралы;
жануарлар қырылған, бірнеше жануар бір мезгілде ауырған немесе олар әдеттен тыс мінез көрсеткен жағдайлартуралы хабарлауға және ауру деп күдік келтірілген кезде, ветеринария саласындағы мамандар, мемлекеттік ветеринариялық-санитариялық инспекторлар келгенге дейін жануарларды оқшаулап ұстау жөнінде шаралар қолданады;
2) үй жануарларын уақтылы бірдейлендіруді қамтамасыз ету;
3) биологиялық ерекшеліктерін ескере отырып, жануарларды дұрыс тіршілігі үшін қеректі мөлшерде азықпен және сумен қамтамасыз ету, оларды қараусыз қалдырмау, жануарларға ізгілікпен қарау;
4) өздерінің үй жануарларының ветеринария-санитарлық қауіпсіздігін қамтамасыз ету үшін, сондай-ақ тері-паразитарлық ауруларға және гельминттерге қарсы уақтылы вакцинация мен диагностиканы қамтамасыз етеді;
5) мемлекеттік ветеринариялық мал дәрігерлеріне олардың негізделген талабы бойынша клиникалық қарауға, диагностикалық зерттеуге және емдеу-алдын алу шаралары, егу мен вакцинация жұмыстарын жүзеге асыру үшін жануарларды кедергісіз көрсетеді.».

Келісілді:
Алматы қаласы
әкімінің орынбасары
Е. Әукенов
Алматы қаласы әкімі
аппаратының басшысы
М. Сембеков
Алматы қаласы әкімі аппараты
мемлекеттік- құқықтық бөлімі басшысының
міндетін атқарушы
Ж. Мұхамеджанов
Алматы қаласы Ауыл шаруашылығы
басқармасы басшысының
міндетін атқарушы
Ә. Сейдақматов