Қорғалжын ауданында 1991 жылы туған азаматтарды 2008 жылы шақыру учаскесіне тіркеуді жүргізу туралы от 18.02.2008 г. № 06 (Қорғалжын ауданында 1991 жылы туған азаматтарды 2008 жылы шақыру учаскесіне тіркеуді жүргізу туралы)

Қорғалжын ауданында 1991 жылы туған азаматтарды 2008 жылы шақыру учаскесіне тіркеуді жүргізу туралы
«Қазақстан Республикасындағы жергілікті мемлекеттік басқару туралы» Қазақстан Республикасының 2001 жылғы 23 қаңтардағы Заңының 33 бабының 2 тармағына, «Әскери міндеттілік және әскери қызмет туралы» заңының Қазақстан Республикасының 2005 жылғы 8 шілдедегі Заңының 17 бабының 3 тармағына сәйкес, азаматтарды әскери есепке алу мақсатында аудан әкімі ШЕШІМ ЕТТІ:

1. «Қорғалжын ауданының қорғаныс істер жөніндегі бөлімі» мемлекеттік мекемесіне 2008 жылдың ақпан-наурызында 1991 жылы туған, он жеті жасқа толатын азаматтарды шақыру учаскесіне тіркеуді жүргізу ұсынылсын.

2. Қорғалжын ауданының және ауылдық округтердің, меншік нысанына қарамастан кәсіпорындардың, ұйымдардың және мекемелердің басшылары «Әскери міндеттілік және әскери қызмет туралы» заңының Қазақстан Республикасының 2005 жылғы 8 шілдедегі Заңының 4 тармағын мағұлматқа алсын және «Қорғалжын ауданының қорғаныс істер жөніндегі бөлімі» мемлекеттік мекемесіне шақыру учаскесіне тіркеуге жататын шақыруға дейінгілердің тізімдерін берсін.

3. Кәсіпорындар мен ұйымдардың басшыларына меншік нысанына қарамастан ұсынылсын:
-шақыруға дейінгілерді тіркеу комиссиясына өту үшін қажет уақытқа жұмыстан немесе оқудан босату, шақыруға дейінгілерді іссапардан, «Қорғалжын ауданының қорғаныс істер жөніндегі бөлімі» мемлекеттік мекемесіне уақытылы келуін қамтамасыз ету.

4. «Қорғалжын ауданының ішкі істер бөлімі» мемлекеттік мекемесінің бастығы А.К Әбішевке (келісім бойынша) шақыру учаскесінде тәртіпті және тіркеуден бұлтарған адамдарды іздестіруді қамтамасыз ету бойынша шаралар қолдау ұсынылсын.

5. «Қорғалжын ауданының қорғаныс істер жөніндегі бөлімі» мемлекеттік мекемесінің бастығы Т.О.Әшімов (келісім бойынша) азамттарды тіркеу аяқталғаннан кейін 10 күндік мерзім ішінде өткізілген тіркеудің нәтижиесі туралы ақпарат берсін.

6. Азаматтарды шақыру учаскесіне тіркеу бойынша іс-шараларды орындаумен байланысты шығындар аудандық бюджетте көзделген қаржы бөлу есебінен жүргізіледі.

7. Осы шешім Қорғалжын ауданының әділет басқармасында мемлекеттік тіркелген күнінен бастап күшіне енеді және аудандық «Қорғалжын өңірі» газетінде ресми жарияланған күннен бастап қолданысқа енгізіледі.

8. Осы шешімінің орындалуын бақылау аудан әкімінің орынбасары С.Қ.Аққожинаға жүктелсін.
КЕЛІСІЛДІ:
Аудандық ішкі істер
бөлімінің бастығы А.Қ Әбішев
Аудандық Қорғаныс істері
жөніндегі бөлімінің бастығы Т.О.Әшімов