2007 жылы аудан ормандарын өрттен сақтауды қамтамасыз ету жөніндегі шаралар туралы от 26.02.2007 г. № 54 (2007 жылы аудан ормандарын өрттен сақтауды қамтамасыз ету жөніндегі шаралар туралы)

2007 жылы аудан ормандарын өрттен сақтауды қамтамасыз ету жөніндегі шаралар туралы
Қазақстан Республикасының «Қазақстан Республикасындағы жергілікті мемлекеттік басқару туралы» Заңының 31-бабының 1-тармағының 31 тармақшасына, Қазақстан Республикасы Үкіметінің 2001 жылғы 23 мамырдағы № 699 «Қазақстан Республикасындағы ормандарды сақтауды қамтамасыз ету жөнінде шұғыл шаралар туралы» қаулысына сәйкес, Меңдіқара ауданының аумағында ірі өрттерді жоюға катысатын жедел қызметтер мен меншіктің әр түрлі нысанындағы субъектілері арасында өзара іс-кимылды және адамдар мен техниканы уақытында жұмылдыру мақсатында Меңдіқара ауданының әкімдігі ҚАУЛЫ ЕТЕДІ:

1. Аудан ормандарында өрттер мен химиялық күйіктерді болдырмау жөніндегі іс-шаралар жоспары және орман өрттерін сөндіруді басқару жөніндегі ауданның жедел тобының құрамы бекітілсін (1, 2 - қосымшалар).

2. Селолық округтер әкімдері:

1) шаруа қожалықтарының және өзге де ауыл шаруашылығы құрылымдарының орман қорына тиіп тұрған аумақтарда шөптерді өртеуді, ауыл шаруашылығы алқаптарында, жайылымдарда және пішендерде шөптесін өсімдіктер мен сабан түптерінің қалдықтарын өртеуді жүргізулеріне бақылауды қамтамасыз етсін;

2) ведомстволық бағыныстағы аумақтарда бой бермейтін өртеуді жүргізуге тыйым салсын.

3. Қостанай облысы бойынша «Өрт сөндіру және авариялық-құтқару жұмыстары қызметі» мемлекеттік мекемесінің филиалы Меңдіқара ауданының № 22 ӨСБ бастығына (келісім бойынша) аудан ормандарында өрт пайда болған жағдайларда техникамен және жеке құраммен «Боровской ормандар және жануарлар дүниесін қорғау жөніндегі мемлекеттік мекемесі» мемлекеттік мекемесіне көмек көрсетуге ұсыныс жасалсын.

4. «Боровской ормандар және жануарлар дүниесін қорғау жөніндегі мемлекеттік мекемесі» мемлекеттік мекемесінің директорына (келісім бойынша) жоғары өрт қаупі кезеңінде азаматтардың орманға баруына және оған көлік құралдарының кіруіне тыйым салуға ұсыныс жасалсын.

5. Меңдіқара ауданы әкімдігінін 2006 жылғы 21 ақпандағы № 95 «2006 жылы аудан ормандарын өрттен сақтауды қамтамасыз ету жөніндегі шаралар туралы» (тіркеу нөмірі 9-15-32, «Меңдіқара үні» аудандық газетінде 2006 жылғы 3 сәуірде № 15 жарияланған), қаулысының күші жойылды деп есептелсін.

6. Осы қаулының орындалуын бақылау аудан әкімінің орынбасары М. Соқытбаевқа жүктелсін.

7. Осы қаулы алғаш рет ресми жарияланғаннан кейін он күнтізбелік күн -өткен соң қолданысқа енгізіледі.

Әкімдіктің 2007 жылғы
26 ақпандағы № 54 қаулысына
1-қосымша
Аудан ормандарын өрттен қорғау жөніндегі іс-шаралар жоспары